რამდენიმე საათის წინ, სოციალურ ქსელში გავრცელდა ინფორმაცია, თითქოს, ქართული კლუბის, კერძოდ დინამო ბათუმის სპონსორი რუსული გაზპრომი გახდა. აგრეთვე, დაანონსებული იყო, რომ აჭარული კლუბი რუსეთიდან 7 ფეხბურთელს ჩამოიყვანდა, თუმცა მალევე გაირკვა, რომ აღნიშნული ინფორმაცია სრული სიცრუე იყო.
გავრცელებულ ინფორმაციას სოციალურ ქსელში ბათუმის დინამოს მედიამენეჯერი, ბესი ჩიბურდანიძეც გამოეხმაურა: "ხო გაზპრომი მოდის და სტადიონს თინა კანდელაკის სახელს ვარქმევთ", - წერს ჩიბურდანიძე ფეისბუქის საკუთარ გვერდზე.