შემოგვიერთდით

TUTTOSPORT-ის დირექტორი : 'მას აქვს ის, რაც მბაპეს და მესისაც კი არ აქვთ'

20-12-2022, 20:30

Aa Aa

გაზიარება:

Tuttosport-ის ყოფილმა დირექტორმა პაოლო დე პაოლამ ქართველ ფეხბურთელზე ხვიჩა კვარაცხელიაზე Radio Marte-ს ეთერში ილაპარაკა, სადაც 21 წლის შემტევი შეაქო და ის კილიან მბაპეს და ლიონელ მესის შეადარა.

"ნაპოლის ქართველ გარემარბს განსაკუთრებული უნარები გააჩნია. მისი დრიბლინგი არავის ჰგავს, რადგან მას ორივე მხარეს უმაღლეს დონეზე შეუძლია მეტოქის მოტყუება, რაც მბაპეს და მესისაც კი არ შეუძლიათ. ის ერთნაირად მსუბუქად ხმარობს ორივე ფეხს, ამით კი მესიზე უკეთესია. კვარა სისწრაფით მბაპეს ჩამორჩება, მაგრამ დრიბლინგში უფრო ძლიერია. მას ფრანგზე უკეთ შეუძლია ბურთის კონტროლი.

კვარაცხელიამ მსოფლიო თავისი შესაძლებლობებით გააოცა

კვარას მონაცემების სხვებთან შედარება არც კი გამოდის. იმედი მაქვს, რომ ეს ბიჭი ასე გააგრძელებს სვლას. როგორც ჩანს, ის ძალიან თავმდაბალია და ასე უნდა დარჩეს. შეძლებს კი ასე ჩემპიონად გახდომას? დიახ, რადგან მას სუსტი მხარე არ აქვს, ის ძალიან მაგარია."

პაულო დე პოლა თავისი ჟურნალისტური კარიერის განმავლობაში ძირითადად Corriere dello Sport-სა და Tuttosport - ში მუშაობდა. მოკლედ რომ ვთქვათ, ის საფეხბურთო სამყაროს ერთ-ერთი ცნობადი ფიგურაა.