იტალიური მილანის ყოფილმა მცველმა, ალესანდრო კოსტაკურტამ ხვიჩა კვარაცხელიასა და მისი ნაპოლის ჩემპიონთა ლიგის მეოთხედფინალში გასვლის შანსები პროცენტულად შეაფასა.
ჟურნალისტებმა ალესანდრო კოსტაკურტას სთხოვეს, რომ მას ნაპოლის 1/4 ფინალში გასვლის შანსები შეეფასებინა, რაზეც მან თქვა, რომ ლუჩანო სპალეტის გუნდს მომდევნო ეტაპზე გასვლის 72% აქვს.
სხვათაშორის, იტალიური კლუბისადმი უფრო მეტი ნდობა ცნობილმა იტალიელმა ჟურნალისტმა, პაოლო კონდომ გამოხატა, რომელიც პარტენოპეის შანსები 75%-ით აფასებს.
გარდა ამისა, ერთ-ერთი იტალიური კვლევის შედეგად, იტალიელთა უმრავლესობა, კერძოდ 92% მიიჩნევს, რომ ნაპოლი აინტრახტის ბარიერს აუცილებლად გაივლის, სადაც უმნიშვნელოვანესი როლი, ცხადია, ქართველ ფეხბურთელს ექნება.