გუშინ მსოფლიო ჩემპიონატის 1/4 ფინალური ეტაპის მატჩში არგენტინამ ნიდერნალდების ნაკრები თერთმეტმერიანების სერიაში დაამარცხა და მომდევნო ეტაპის საგზური მოიპოვა.
გამორჩეული შეხვედრა ჰქონდა ლეო მესის, რომელმაც ჯერ საგოლე გადაცემე, ხოლო შემდეგ გოლიც მიიწერა. აღსანიშნავია, რომ 73-ე წუთზე გატანილი გოლით 35 წლის ფეხბურთელი მსოფლიო ჩემპიონატზე მიწერილი გოლებით გაბრიელ ბატისტუტას გაუთანაბრდა (10 გოლი).
2022 წლის მსოფლიო ჩემპიონატზე მესის ანგარიშზე 4 გოლია
ბატისტუტამ ამ შედეგის დაფიქსირება 1994-2002 წლებში მსოფლიო ჩემპიონატებზე 12 მატჩში გატანილი 10 გოლით მოახერხა.
მესისთვის ნიდერლანდელების წინააღმდეგ გატანილი გოლი მე-4 აღმოჩნდა 2022 წლის მსოფლიო ჩემპიონატზე. მან 1/4 ფინალურ ეტაპამდე საუდის არაბეთს, მექსიკას და პოლონეთს გაუტანა.
მომდევნო შეხვედრას არგენტინის ნაკრები 1/2 ფინალურ სტადიაზე ხორვატიის წინააღმდე გამართავს, რომელმაც თავისმხრივ ბრაზილიის ეროვნული ნაკრები გამოთიშა გათამაშებას.