სამწუხარო ინფორმაცია: როგორ მდგომარეობაშია ლევან მაისაშვილი » SPORTLINE.GE - სპორტის ხაზი

სამწუხარო ინფორმაცია: როგორ მდგომარეობაშია ლევან მაისაშვილი

სამწუხარო ინფორმაცია: როგორ მდგომარეობაშია ლევან მაისაშვილი
9-08-2021, 22:32
Aa Aa
გაზიარება:

საქართველოს მორაგბეთა ნაკრების მთავარი მწვრთნელის, ლევან მაისაშვილის მდგომარეობა კრიტიკულად მძიმეა, ამის შესახებ ინფორმაციას საქართველოს პრეზიდენტი სალომე ზურაბიშვილი ავრცელებს. მაისაშვილი ამ დრომდე სამხრეთ აფრიკის კლინიკაში რჩება.

'საქართველოს რაგბის ნაკრების მწვრთნელის ლევან მაისაშვილის ჯანმრთელობის მდგომარეობა კრიტიკულად მძიმეა. ბოლო ორი დღეა დამატებით გართულებები არ ჰქონია, თუმცა მანამდე ყველა შესაძლო გართულება ჰქონდა. ექიმები პროგნოზს ვერ აკეთებენ. ერთ-ერთ საუკეთესო კერძო კლინიკაშია იოჰანესბურგში - Milpark hospitals. ადგილზე არის მაღალტექნოლოგიური მკურნალობის სრული შესაძლებლობა, ამიტომ ოჯახმა სადმე გადაყვანის გადაწყვეტილება არ მიიღო. ჩართულია ჩვენი ელჩი ბექა დვალი. ძალიან ეხმარება იქ ადგილზე ქართველი ექიმი ვახტანგ რეხვიაშვილი, ძალიან წარნატებული და ავტორიტეტული ექიმია და მისი კონტაქტებითაც მაქსიმალური ყურადღება ექცევა. მოკლედ, რაც შესაძლებელია ყველაფერს უკეთებენ. ვუსურვოთ გამოჯანმრთელება', - წერს სოციალურ ქსელში საქართველოს პრეზიდენტი.

შეგახსენებთ, რომ ლევან მაისაშვილი სამხრეთ აფრიკაში, ივლისის თვეში დაინფიცირდა, როცა ნაკრებთან ერთად ტესტ-მატჩებისთვის ემზადებოდა.

კომენტარის დამატება
კოდის განახლება
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.


დღის ხაზი