ხვალ მსოფლიო ჩემპიონატის 1/4 ფინალურ სტადიაზე ინგლისი საფრანგეთის ეროვნულ ნაკრებს დაუპირისპირდება და მომდევნო ეტაპის საგზურის მოპოვებას შეეცდება. ამ შეხვედრისთვის მთავარი ყურადღება რა თქმა უნდა კილიან მბაპეზეა, რომლის მთავარი მეტოქე პოზიციურად გამოცდილი მცველი კაილ უოლკერი იქნება.
მატჩამდე ერთი დღით ადრე 'მანჩესტერ სიტის' მარჯვენა-მცველმა კილიან მბაპეზე ისაუბრა და განაცხადა, რომ 'პსჟ'-ს ლიდერი მისთვის საფრთხეს არ წარმოადგენს.
მბაპესთან დაპირისპირება : "ეს არ არის ინგლისი მბაპეს წინააღმდეგ, ეს არის ინგლისი-საფრანგეთი. ეს არც ჩემი და მბაპეს ჩოგბურთის მატჩია. მის გარდა საფრანგეთში ბევრი მოთამაშეა, რომლებსაც შეუძლიათ პრობლემები შეგვიქმნან. მბაპეს პირველად არ ვხვდები, ვიცი ის როგორ გავანეიტრალო."
რას ნიშნავს საფრანგეთი-ინგლისი: "ეს ყოველთვის შესანიშნავ თამაშს, დიდ ბრძოლას ნიშნავს. მე მათ ტელევიზორში ვუყურებდი. ვამაყობ, რომ ასეთ თამაშს ვითამაშებ. ეს იქნება შესანიშნავი დუელი. ბევრი საუბარია იმაზე, თუ რა უნდა გავაკეთოთ ჩვენ მათ წინააღმდეგ, მაგრამ მათ აუცილებლად უნდა იზრუნონ ჩვენზე და არა პირიქით."