"კვარაცხელიაში განსაკუთრებით ეს თვისებები მომწონს" | ალესიო ტაკინარდი

2-12-2022, 22:00

Aa Aa

გაზიარება:

სკუადრა აძურას და ტურინის იუვენტუსის ყოფილმა ფეხბურთელმა, ალესიო ტაკინარდიმ, რომელიც ამჟამად სერია C-ში მოასპარეზე ლეკოს მთავარი მწვრთნელი გახლავთ, ნაპოლიზე საუბრისას აზრი ქართველ ფეხბურთელზე, ხვიჩა კვარაცხელიაზეც გამოთქვა:

"სანამ ფეხბურთელის სათამაშო ღირსებებს შევნიშნავდე, მოედანზე ჯერ მის ქცევას ვაკვირდები. ხვიჩა კვარაცხელია არაჩვეულებრივ თავმდაბლობას ავლენს, ასევე - მიზანსწრაფულობას. მხოლოდ ამ თვისებებით შეიძლება გახდეთ ლიდერი. ვულოცავ მათ, ვინც მისი ირწმუნა და ვინც მასზე არჩევანი შეაჩერა", - თქვა ტაკინარდიმ Radio CRC-სთან საუბრისას.

შეგახსენებთ, რომ ამჟამად ქართველი ფეხბურთელი ნაპოლისთან ერთად ქალაქ ანტალიაში იმყოფება, სადაც ლუჩანო სპალეტის გუნდი სამ ამხანაგურ შეხვედრას ანთალიასპორის, კრისტალ პალასისა და ფულემის წინააღმდეგ გამართავს.