ჭაბუკთა A ლიგა | ჩემპიონის პირველი მარცხი

26-11-2024, 15:24

Aa Aa

გაზიარება:

ჭაბუკთა ‘ა’ ლიგის „ოქროს“ ჯგუფის რეგულარული სეზონის შუალედურ ფინიშზე ‘ლელომ’ იპირველა. მართალია, ჩემპიონმა პირველი წრის მიჯნაზე პირველი მარცხი იწვნია, თუმცა 31 ქულით ლიდერობას აგრძელებს და მდევარ ‘აიას’ 2 ქულით უსწრებს. მესამე პოზიციაზე მყოფმა ‘ხვამლმა’ კი რიონისპირელებთან ჩამორჩენა 1 ქულამდე შეამცირა. მორიგ ტურში უდაოდ გამორჩეული, ‘აია’-‘ხვამლის’ შეხვედრა იქნება, რომელიც „აია არენაზე“ გაიმართება.

‘ხარები’ 14 ქულით მე-4 ადგილზე დარჩა. ‘არმიამ’, ‘ლოკომოტივმა’ და ყოჩებმა’ 10-10 ქულა დააგროვა და ხსენებული სამეული ცხრილში მე-5-8 ადგილებს ინაწილებს. უკეთესმა პირისპირ ბალანსმა ‘ლოკომოტივი’ მე-5 ადგილზე განათავსა. მე-6 პოზიციას ‘ყოჩები’ იკავებს, ‘არმია’ კი ჯერჯერობით პლეი ოფის ზონის მიღმა, მე-7 ადგილზე იმყოფება. 5 ქულის მქონე ‘ბათუმი’ ჯგუფის აუტსაიდერად რჩება.

RUGBY.GE