შემოგვიერთდით

ალექსანდრ ჯიკიჩი: "ფინეთის ნაკრებისგან ბევრი რამის სწავლა შეგვიძლია"

21-11-2024, 19:00

Aa Aa

გაზიარება:

დღეს საქართველოს საკალათბურთო ნაკრები ევროპის ჩემპიონატის შესარჩევი ეტაპის მორიგ შეხვედრას ფინეთში გამართავს, მატჩამდე კი ეროვნული გუნდის მთავარი მწვრთნელის კომენტარს გთავაზობთ.

ფინეთის ნაკრები მეტოქეა, რომელსაც დიდ პატივს ვცემთ. ეს არის გუნდი, რომელიც ბოლო 20 წლის განმავლობაში სტაბილურად ვითარდება. ბევრი რამეა, რაც მათგან უნდა ვისწავლოთ. მათ ჰყავთ როგორც ახალგაზრდა, ასევე გამოცდილი მოთამაშეები. თუმცა ამ მატჩში ფინეთის ნაკრებს რამდენიმე კალათბურთელი დააკლდება, ისევე როგორც ჩვენ.

მნიშვნელოვანი თამაშია და ჩვენს კალათბურთელებს ეს კარგად ესმით. გვსურს, რომ, საბოლოო ჯამში, ევროპის ჩემპიონატზე გავიდეთ. ფინელებს გარკვეული წნეხი ექნებათ, რადგან საკუთარ კედლებში თამაშობენ. ყველაფერი პარკეტზე გამოჩნდება.

- თქვა ალექსანდრ ჯიკიჩმა.

ცნობისთვის, მატჩი 20:30-ზე დაიწყება, პირდაპირი რეპორტაჟი კი პირველ არხზე იქნება.