მსოფლიო ჩემპიონატის დაწყებამდე სოციალურ ქსელში სკანდალური ინფორმაცია გავრცელდა, რამაც მთელი ინტერნეტსივრცე მოიცვა.
ერთ-ერთმა ცნობილმა ჟურნალისტმა 'ტვიტერზე' დაწერა, რომ მასპინძელმა ქვეყანამ (ყატარმა) ეკვადორის ნაკრების ფეხბურთელები მოისყიდა.
„ყატარმა რვა ეკვადორელი ფეხბურთელი მოისყიდა ჯამში 7,4 მილიონ დოლარად, რათა მათ წააგონ გახსნის მატჩი (0:1, გოლი მეორე ტაიმში). ხუთმა ინსაიდერმა ყატარიდან და ეკვადორიდან დაადასტურეს ეს.
ვიმედოვნებთ, რომ ეს ტყუილია. იმედი მაქვს, რომ ამ ინფორმაციის გავრცელება იმოქმედებს შედეგზე. მსოფლიო წინ უნდა აღუდგეს კორუპციას ფიფა-ში."– დაწერა ჟურნალისტმა სოციალურ ქსელში.
შეგახსენებთ იმასაც, რომ მსოფლიო ჩემპიონატი 20 ნოემბერს იწყება. გახსნით შეხვედრაში კი ერთმანეთს სწორედ ყატარი და ეკვადორი დაუპირისპირებიან.