შემოგვიერთდით

"ასეთი მავნებლობით სცადეს ჩვენი შრომის წყალში ჩაყრა" - ოჩხიკიძის მწვრთნელი

2-09-2024, 18:00

Aa Aa

გაზიარება:

პარალიმპიურ თამაშებზე გიგა ოჩხიკიძემ საქართველოს დელეგაციას ბირთვის კვრაში ოქროს მედალი მოუტანა. მიუხედავად ამისა, იყო შანსი, რომ გიგას მოპოვებული ჯილდო უსამართლოდ დაეკარგა, ყველაფერი კი დამარცხებული მეტოქეების პროტესტს მოჰყვა.

ოჩხიკიძემ ბირთვის კვრაში მსოფლიო რეკორდი დააფიქსირა (9.66 მეტრი), რის ხარჯზეც მოწინააღმდეგეთა დამარცხება შეძლო, თუმცა, მოგვიანებით კონკურენტებმა პირი შეკრეს და გიგას შედეგი გააპროტესტეს, რის გამოც ოჩხიკიძეს პირველი ადგილი და ოქროს მედალი რამდენიმე საათის განმავლობაში ჩამორთმეული ჰქონდა.

ამ ფაქტზე ვრცელ კომენტარს აკეთებს ოჩხიკიძის მთავარი მწვრთნელი, დავით ილარიანი, რომელმაც ყველაფერი დეტალურად გაიხსენა.

გულშემატკივართა მილოცვის შემდეგ, უკვე დაჯილდოებისთვის ვემზადებოდით, ამ დროს კი ჩვენთან მოვიდნენ და გვითხრეს, რომ გიგას შედეგები გაუქმებული იყო. ვერც კი გადმოგცემთ თუ რა დაგვემართა მაშინ.

როგორც შემდეგში შევიტყვეთ, პოლონელი, მაროკოელი და ირანელი შეთანხმებულად ცდილობდნენ, რომ გზიდან ჩამოვეტოვებინეთ. მათ ასეთი მავნებულური საქციელით სცადეს ჩვენი შრომის წყალში ჩაყრა.

- თქვა ილარიანმა.

შეგახსენებთ, რომ მოგვიანებით ყველაფერი გაირკვა და გიგა ოჩხიკიძეს დამსახურებულად მოპოვებული ჩემპიონის სტატუსი და ოქროს მედალი უკან დაუბრუნეს.