მსოფლიო თასი, რომელიც ხმლით ფარიკაობაში ალჟირში იმართებოდა, ქართველმა სპორტსმენმა, სანდრო ბაზაძემ მოიგო, რომელმაც ფინალში იტალიელი მეტოქე ლუიჯი სამელი 15:13 დაამარცხა.
აღსანიშნავია, რომ სანდრო ბაზაძეს მსოფლიო თასი აქამდეც მოუგია, თანაც თბილისში, რის შემდეგაც ის ევროპის ჩემპიონიც გახდა. საბოლოო ჯამში, სანდრო ბაზაძემ 2022 წელს 2 მსოფლიო თასი მოიგო, რასაც ევროპის ჩემპიონობაც დაურთო. გარდა ამისა, ქართველი მოფარიკავე ქაიროს მსოფლიოს ჩემპიონატზე ბრინჯაოს მედლის მფლობელიც გახდა.
ამ მომენტისთვის, სანდრო ბაზაძე მსოფლიო რეიტინგის მე-2 პოზიციაზეა და მას მხოლოდ უნგრელი არონ სილაგი უსწრებს.