სულ რამდენიმე წუთის წინ დასრულდა ჩემპიონთა ლიგის ჯგუფური ეტაპის დასკვნითი მატჩი "ლივერპულსა" და "ნაპოლის" შორის, ანგარიშით 2:0.
ტაბლოზე ანგარიში 85-ე წუთამდე არ შეცვლილა. პირველი გოლი ინგლისური გრანდის მაისურით ეგვიპტელმა ფეხბურთელმა, მუჰამედ სალაჰმა გაიტანა, ხოლო მეორე გოლის ავტორი დერვინ ნუნიეზი გახლდათ.
რაც შეეხება ხვიჩას, ქართველმა ფეხბურთელმა მოედანი 83-ე წუთზე დატოვა. 21 წლის შემტევმა არაერთი სახიფათო მომენტი შექმნა ალისონის კართან, იყო მისი გადაცემით გატანილი გოლიც, რომელიც არ ჩაითვალა.
90 წუთის შემდეგ, SofaScore-მა ფეხბურთელები ჩატარებული შეხვედრის მიხედვით შეაფასა. ანალიტიკურმა გვერდმა კვარაცხელიას 6.9 ქულა დაუწერა, რაც გუნდში მესამე საუკეთესო შედეგია.