შემოგვიერთდით

ოფიციალურად: თორნიკე ოქრიაშვილი თბილისის დინამოში ითამაშებს

7-04-2024, 01:02

Aa Aa

გაზიარება:

თორნიკე ოქრიაშვილი კარიერას თბილისის დინამოში გააგრძელებს.

"დინამო თბილისსა და თორნიკე ოქრიაშვილს შორის შეთანხმება შედგა. საქართველოს ნაკრების შემტევი კარიერას დედაქალაქურ კლუბში გააგრძელებს. მხარეებს შორის კონტრაქტი ერთი წლის ვადით გაფორმდა.

თორნიკე ოქრიაშვილი საფეხბურთო კლუბ გაგრას აღზრდილია. ამას გარდა, სხვადასხვა დროს იგი მარიუპოლის, ჩერნომორეცის, გენკის, ესკიშეჰირსფორის, კრასნოდარის, ანორთოსისისა და აპოელის ღირსება იცავდა.

2016 წელს თორნიკე ოქრიაშვილი საქართველოს საუკეთესო ფეხბურთელად დასახელდა.

რაც შეეხება ოქრის სანაკრებო კარიერას, მას საქართველოს ეროვნულ ნაკრებში 49 მატჩი აქვს გამართული. შემტევის ანგარიშზე 13 გოლია და იგი ამ მაჩვენებლით ეროვნული გუნდის ისტორიაში მეხუთე საუკეთესო ბომბარდირია." - ვკითხულობთ დედაქალაქური კლუბის პრეს-სამსახურის მიერ გავრცელებულ ინფორმაციაში.