"მანჩესტერ იუნაიტედის" ყოფილმა ფეხბურთელმა, ოუენ ჰარგრივზმა "წითელი ეშმაკების" შემადგენლობიდან კაზემირო გამოარჩია და თქვა, რომ მისი მოსვლის შემდეგ, ტენ ჰაგის გუნდის თამაში მნიშვნელოვნად გაუმჯობესდა:
"კაზემირო განსაკუთრებული მოთამაშეა და ვფიქრობ, რომ ზეწოლის გამკლავება ბრაზილიელს მშვენივრად გამოსდის, რაც მანჩესტერს ბურთთან ერთად თამაშში ძალიან ეხმარება. გარდა ამისა, კაზემირო დაცვაშიც ბრწყინვალედ გამოიყურება. ზოგადად, მას ძალიან ბევრი დადებითი თვისება აქვს და ის თავური, რომელიც მან ჩელსისთან შემოგვთავაზა ნამცხვრის თავზე გადასმულ კრემს მაგონებს." - ოუენ ჰარგრივზი.
შეგახსენებთ, რომ ჰარგრივზი "მანჩესტერ იუნაიტედში" 2007-2011 წლებში თამაშობდა.