შემოგვიერთდით

"რატომ შევცვალე ჰოლანდი?" - პეპ გვარდიოლას პასუხი

26-10-2022, 17:30

Aa Aa

გაზიარება:

გუშინ, "ჩემპიონთა ლიგაში" პეპ გვარდიოლას "მანჩესტერ სიტი" ედინ ტერზიჩის "დორტმუნდს" შეხვდა და მატჩი 0:0 დასრულდა. მოპოვებული ქულებით გუნდები პირველ და მეორე ადგილზე გადანაწილდნენ და ჯგუფიდან გასვლა ოფიციალურად გაინაღდეს.

პეპ გვარდიოლამ მაყურებელი მორიგ ჯერზე გააოცა ჯერ იმით, რომ კევინ დე ბრუინი სათადარიგოთა სკამზე დატოვა, შემდეგ კი ერლინგ ჰოლანდი და ჟოაო კანსელო მეორე ტაიმის დასაწყისშივე შეცვალა. რასაკვირველია, აღნიშნულ ფაქტთან დაკავშირებით ესპანელ სპეციალისტს კითხვები დაუსვეს, მან კი შემდეგი რამ თქვა:

"რატომ გავიყვანე ერლინგი? - სამი მიზეზი მქონდა. პირველი, ჰოლანდს თამაშამდე გრიპი ჰქონდა, ისევე როგორც ჟოაოს. მეორე, დავინახე, რომ ის დაიღალა და მესამე, მას ფეხში ტკივილის გრძნობა ჰქონდა. ამ ყველაფრის ფონზე, გადავწყვიტე, რომ ერლინგი მოედნიდან გამეყვანა, რადგან ახლა რთული პერიოდია და ჩვენ ბევრს ვიბრძვით." - პეპ გვარდიოლა.