მოგეხსენებათ სერია A-ს მომდევნო ტურში ერთმანეთს "რომა" და "ნაპოლი" დაუპირისპირდებიან. ცნობილი იტალიური გამოცემა Gazzetta dello Sport-ი კი მატჩის წინ საინტერესო თემას შეეხო.
აღსანიშნავია, რომ "რომა და ნაპოლი" ის კლუბები არიან, რომელთაც 10-ნომრიანი მაისური ხმარებიდან ამოღებული აქვთ. პირველს - ფრანჩესკო ტოტის, ნეაპოლელებს კი, დიეგო მარადონას საპატივსაცემოდ. იტალიური გამოცემის აზრით, ქართველი ფეხბურთელი, ხვიჩა კვარაცხელია შეიძლება გახდეს ის ფეხბურთელი, ვინც არსებული სიტუაციის მიუხედავად, პარტენოპეის რიგებში 10-ნომრიან მაისურს მოირგებს.
"აი, ნეაპოლში კი უკვე გამოჩნდა ფეხბურთელი, რომელმაც დროთა განმავლობაში შესაძლოა, 10 ნომერზე პრეტენზია განაცხადოს. ის ახლა 77-ნომრიან მაისურს ატარებს. ცხადია, საუბარია ხვიჩა კვარაცხელიაზე, საოცარი ტექნიკის მქონე შემტევზე.
ის ვერასდროს გახდება მარადონა, თუმცა, ნამდვილად შეუძლია 10-ნომრიანი მაისური მოირგოს."