ახლოვდება საქართველოს ეროვნული ნაკრების შეხვედრები შოტლანდიისა და ესპანეთის ნაკრებების წინააღმდეგ, მატჩის წინ ფეხბურთელთა გამოძახების პროცესზე საქართველოს ფეხბურთის ფედერაციის ვიცე-პრეზიდენტმა, ალექსანდრე იაშვილმა ისაუბრა:
"ფეხბურთელების ნაკრებში გამოძახებაზე პასუხისმგებელი მხოლოდ გუნდის მთავარი მწვრთნელია. ეს შეკითხვა არც უნდა დაისვას, რადგან ფედერაცია სანაკრებო სიისთვის ფეხბურთელების ამორჩევაში საერთოდ არ ერევა.
თუ დღეს საბა საზონოვი ეროვნულ ნაკრებში არაა, ეს არ ნიშნავს, რომ ის 21-წლამდე ნაკრებში არ უნდა იყოს, ეს ჩვენი ქვეყნის მეორე გუნდია" - განაცხადა ვეტერანმა ფეხბურთელმა.