გუშინ, საქართველოს ნაკრებისა და ბათუმის დინამოს განაპირა მცველი, გიორგი ნავალოვსკი სტუმრად იმყოფებოდა საფეხბურთო პოდკასტში სახელად "თამაშგარეთ", სადაც მან მსოფლიოს ჩემპიონატზე ისაუბრა:
"ბავშვობიდან ბრაზილიის ნაკრების გულშემატკივარი ვარ და მინდოდა მათი ტრიუმფი მენახა, თუმცა, სამწუხაროდ ნაადრევად გამოვარდნენ ტურნირიდან. ამის შემდეგ კი, მინდა, რომ ლეო მესიმ პერსონალურად მოიგოს მუნდიალი." - გიორგი ნავალოვსკი.
შეგახსენებთ, რომ 36 წლის გიორგი ნავალოვსკი ბათუმის დინამოში 2019 წლიდან თამაშობს და აჭარული გუნდის მაისურით ეროვნულ ლიგაში გოლი და 7 საგოლე გადაცემა აქვს მითვლილი.