რამდენიმე წამის წინ დასრულდა იტალიის ჩემპიონატის მე-18 ტურის პირველი შეხვედრა, სადაც ნაპოლიმ იუვენტუსი 5:1 გაანადგურა.
აღსანიშნავია, რომ საქართველოს ნაკრების შემტევმა, ხვიჩა კვარაცხელიამ ამავე თამაშში 2 საგოლე გადაცემა გააკეთა, რასაც გატანილი გოლიც დაურთო. გარდა ამისა, კვარამ არაერთი ლამაზი მომენტი შემოგვთავაზა, რაც გვაძლევს საშუალებას ვთქვათ, რომ ქართველი დიდ სცენას დაუბრუნდა!
რაც შეეხება კვარაცხელიას შეფასებას, ქართველი Whoscored-მა 9.9 სარეიტინგო ქულით, ხოლო Sofascore-მ 9.2-ით შეაფასა. ეს იყო შეხვედრა, რომელიც ხვიჩას გულშემატკივრებსა და კრიტიკოსებს ძალიან დიდი ხანი ემახსოვრებათ!
ცნობისთვის, ამ მოგებით ნაპოლი იტალიის სერია A-ში 47 ქულით პირველ ადგილზე იმყოფება და უახლოეს მდევარ იუვენტუსს მთელი 10 ქულით უსწრებს!
ლუჩანო სპალეტი და მისი ბიჭები მომდევნო შეხვედრას ლუკა ლოჩოშვილის კრემონეზეს წინააღმდეგ 18 იანვარს, კოპა იტალიაზე 00:00 საათზე გამართავენ.