17-წლამდე გოგონებმა აზერბაიჯანელი თანატოლები დიდი ანგარიშით დაამარცხეს

28-09-2024, 02:43

Aa Aa

გაზიარება:

საქართველოს 17-წლამდე გოგონათა ნაკრებმა აზერბაიჯანელი თანატონელები დიდი ანგარიშით, 4:0 დაამარცხეს.

"საქართველოს 17-წლამდე გოგონათა ნაკრებმა აზერბაიჯანის ასაკობრივ გუნდთან პირველი ამხანაგური მატჩი დიდი ანგარიშით მოიგო. სფფ-ის რუსთავის ტექნიკურ ცენტრში ჩატარებული მატჩი სალომე ხუბულურის გუნდის გამარჯვებით, 4:0 დასრულდა.

საქართველოს ნაკრებმა თამაში აქტიურად დაიწყო და 22-ე წუთისთვის, ანანო წიქარიძის დუბლით და თაკო ბულიას გოლით 3:0-ს იგებდა. მატჩის საბოლოო ანგარიში კი, კესარია მეტონიძემ 90-ე დააფიქსირა.

საქართველოს და აზერბაიჯანის 17-წლამდე ნაკრებების მეორე ამხანაგური მატჩი 30 სექტემბერს გაიმართება. შეხვედრა კვლავ სფფ-ის რუსთავის ტექნიკურ ცენტრში გაიმართება და 13:00 საათზე დაიწყება." - ვკითხულობთ ეროვნული ნაკრების პრეს-სამსახურის მიერ გამოქვეყნებულ ინფორმაციაში.