ჩემპიონთა ლიგის ჯგუფურ ეტაპზე ერთმანეთს "აიაქსი" და "ნაპოლი" დაუპირისპირდნენ. მთელი შეხვედრა ნეაპოლელთა დომინაციით მიმდინარეობდა, რაც თამაშის ბოლოს ტაბლოზეც აისახა - სტუმრებმა გამანადგურებელი ანგარიშით 1-6 იმარჯვეს.
მატჩის შემდეგ, ჩვეულებისამებრ ფეხბურთელები ქულებით შეაფასეს. ქართველ ფეხბურთელს, ხვიჩა კვარაცხელიას, რომელმაც ულამაზესი გოლის გატანა მოახერხა შეხვედრის ბოლოს 8.7 ქულა ერგო. მასთან ერთად საუკეთესო ასევე კამერუნელი ნახევარმცველი, ზამბო ანგუისა იყო, რომელმაც ჩატარებული შეხვედრის გამო 8.6 ქულა დაიმსახურა. ყველაზე შედეგიანი კი რასპადორი იყო 9.5 ქულით.