იქნებ უკან მოიხმონ? - არის შანსი, რომ ნაპოლიში ჩემპიონი დაბრუნდეს

2022/2023 წლების უმაღლეს დონეზე ჩატარების შემდეგ, ლუჩანო სპალეტის ნაპოლი იტალიის ჩემპიონატის გამარჯვებული გახდა, ნეაპოლელთა შემადგენლობაში კი დანარჩენებისგან რამდენიმე ფეხბურთელის გამორჩევა ნამდვილად შეიძლებოდა.

ხვიჩა კვარაცხელიასა და ვიქტორ ოსიმენის მომკვდინებელ დუოსა და სტანისლავ ლობოტკას გასაოცარ სეზონთან ერთად ნაპოლი ჩემპიონობამდე აზიელი მცველის, კიმ მინ-ჯეს ბრწყინვალე სეზონურმა პერფორმანსმა მიიყვანა, თუმცა ახლა სამხრეთკორეელს ბაიერნში ძალიან უჭირს და უწყვეტი კრიტიკის მოსმენა უწევს.

საქმე ისაა, რომ გერმანიის ბუნდესლიგის ახალ სეზონში კიმმა უპატიებელი შეცდომა პირველივე ტურში დაუშვა, რის გამოც სამხრეთკორეელმა კრიტიკა როგორც სამი ხედირასგან, ისე ვენსან კომპანისგან მიიღო. გარდა ამ ორისა, კიმს არაერთი ექსპერტი თუ გულშემატკივარი აკრიტიკებს, რაც აზიელს ბაიერნში ადგილს უსუსტებს.

იმის გამო, რომ კიმს ბაიერნში პრობლემები აქვს, არის შანსი, რომ მან გერმანია დატოვოს, კარიერის გაგრძელების ერთ-ერთი გზა კი ნაპოლიში დაბრუნება იქნება. საჩემპიონო სეზონში კიმ მინ-ჯე მართლაც გაუვალი მონსტრი იყო და ამაზე დე ლაურენტისი ხელახლა აუცილებლად დაფიქრდება.