შემოგვიერთდით

ცნობილია - როდის და როგორ დაიწყება ჩეხეთთან გასამართი მატჩის ბილეთების გაყიდვა?

14-08-2024, 19:45

Aa Aa

გაზიარება:

საქართველოსა და ჩეხეთის ეროვნული ნაკრებების დაპირისპირებაზე დასასწრები ბილეთების რეალიზაციასთან დაკავშირებით, ინფორმაციას ავრცელებს ეროვნული ნაკრების პრეს-სამსახური.

"უეფას ერთა ლიგის 2024-25 წლის სეზონის პირველ შეხვედრას საქართველოს ნაკრები ჩეხეთის წინააღმდეგ გამართავს. 7 სექტემბერს, 20 საათზე მიხეილ მესხის სახელობის სტადიონზე საქართველოს ნაკრები ჩეხეთს დაუპირისპირდება. ერთა ლიგის ბ1 ჯგუფის პირველ მატჩზე დასასწრები ბილეთები მხოლოდ ონლაინ რეჟიმში გაიყიდება და მის რეალიზაციას TKT.GE უზრუნველყოფს.

საქართველო-ჩეხეთის თამაშის ბილეთის ფასი 10, 30 და 50 ლარი იქნება. თითოეულ მომხმარებელს მატჩზე დასასწრები მაქსიმუმ ორი ბილეთის შეძენა შეუძლია.

ბილეთების გაყიდვა, 15 აგვისტოს, 12:00 საათზე დაიწყება.

უეფას ერთა ლიგის ბ1 ჯგუფში საქართველოს ნაკრების მეტოქეები ჩეხეთის, ალბანეთისა და უკრაინის ნაკრებები იქნებიან." - ვკითხულობთ nakrebi.ge