მონტენეგროელი მცველი: "ქართველებთან თამაში სწორედ ამიტომაა რთული"

10-06-2024, 16:50

Aa Aa

გაზიარება:

9 ივნისის ამხანაგურ შეხვედრაში საქართველომ მონტენეგროს 3:1 მოუგო და გერმანიაში ევროპის ჩემპიონატის სათამაშოდ კარგ განწყობაზე გაემგზავრა.

მატჩის დასრულების შემდეგ მედიაში მეტოქე გუნდის მცველის, მარკო ვუკჩევიჩის კომენტარი გავრცელდა, რომელმაც ქართველებთან დაპირისპირება ასე შეაფასა:

ვიცოდით, რომ ძლიერ გუნდს ვხვდებოდით, თუმცა კარგად არ გვითამაშია, რადგან 1 გოლი სტანდარტული მდგომარეობიდან გავუშვით, მეორე და მესამე კი კონტრშეტევაზე მივიღეთ.

ქართველებთან თამაში რთული გამოდგა, რადგან ისინი საკმაოდ აგრესიულ ფეხბურთს აჩვენებენ და დაუღალავად დარბიან.

- თქვა მარკო ვუკჩევიჩმა.

შეგახსენებთ, რომ ევროპაზე თურქეთისა და საქართველოს დაპირისპირება 18 ივნისს შედგება.