თურქმა ჟურნალისტმა, მურათ აკდაგმა კომენტარი ევრო 2024-ისა და საქართველოსთან პირველი შეხვედრის შესახებ გააკეთა.
როგორც ის ამბობს, თურქეთს საუკეთესო რვა გუნდში მოხვედრა შეუძლია, საქართველოსთან სტარტი კი კარგის მომასწავებელია.
"მიხარია, რომ ნაკრების ფეხბურთელები კარგ ფორმაში არიან და კარგ გუნდებშიც თამაშობენ. გარდა ამისა, მწვრთნელი მონტელა თანამედროვე ფეხბურთს თამაშობს და ესეც ჩვენ დაგვეხმარება."
"ასეთი ტურნირის 3 ქულით დაწყება ძალიან მნიშვნელოვანია და კარგია, რომ სუსტ საქართველოს პირველივე ტურში ვეთამაშებით", - თქვა აკდაგმა.
შეგახსენებთ, რომ საქართველო და თურქეთი ერთმანეთს 18 ივნისს შეხვდებიან.