ევროპის ჩემპიონატის დასრულების შემდეგ IJF-მ მსოფლიო რეიტინგის განახლებული ვერსია გამოაქვეყნა, სადაც არაერთი ცვლილებაა შეტანილი.
ცხადია, ეს ცვლილებები ქართველ ძიუდოისტებსაც შეეხოთ. მაგალითისთვის, ლაშა ბექაური თავის კატეგორიაში (90კგ) მსოფლიოში პირველი გახლავთ.
ლაშა ბექაურმა ევროპის ჩემპიონატზე ბრინჯაოს მედლის მოპოვებით 350 ქულა დააგროვა და მსოფლიო რეიტინგის მოწინავე პოზიციაზე გადავიდა.
საგულისხმოა, რომ ლაშამ პირველობა კიდევ ერთ ქართველს, ლუკა მაისურაძეს ჩამოართვა, რომელიც ამ ეტაპზე დისკვალიფიცირებულია და შეჯიბრებაში ვერ მონაწილეობს.